هل يعتبر في وجهة نظركم ظلم.أم ماذا يعتبر؟؟

مساء/ صباح *الخير*اخواني أنا رح أطرح عليكم قصه واقعيه حصلت عندنا في الجامعه
وأحس اني مقهوره من لحظة ما قالت لنا(المعيده) القصه وبكل فخر تقولها...
وبعد ما أطرح القصه أبيكم تقولون لي رأيكم...
** كان عندي أمس محاضرة طرق تدريس..وكانت الأستاذه تشرح لنا كيف نتعامل مع البنات
أثناء تصرفهم في الحصه تصرف غير لائق...وقامت تعطينا من المواقف الي واجهتها
أثناء التطبيق وكيف تصرفت معهم التصرف( التربوي) على حد قولها...
وذكرت موقف حصل لها مع إحدى الطالبات بس في(الجامعه)...
وبدأت تقول لنا الموقف الي حصل لها مع بنتين من الجامعه...
قالت ان فيه بنتين السنه الماضيه فاتهم الإمتحان...وراحوا يكلمونها علشان تعيد
لهم الإمتحان مع أي قروب ثاني...قامت وحده منهم وقالت للأستاذه أصلا إنت(مستهتره)
ما نزلتي لنا الإعلان إلا وقت الخروج من الجامعه...تقول انا سكت لها وكنت في نفس
الوقت أنتظر متى تجي تعتذر على أسلوبها...
قالت لنا وجاء وقت امتحان التخلف تقول دخلت وامتحنت..وحلفت لنا الأستاذه ان
البنت جابت الدرجه كامله في الامتحان...ومع ذلك كان تصرف الأستاذه
للأسف غير(تربوي) نقصتها10 درجات في السلوك ورسبتها في الماده
-قامت وحده من بنات القروب الي معي وسألت الأستاذه سؤال وجيه
وقالت لها(ما حسيتي انك ظلمتيها ورسبتيها وهي جايبه الدرجات الكامله)؟؟؟؟!!!
قالت:لا ما حسيت اني ظلمتها....!!!
ولعلمكم البنت راحت تعتذر منها...وكمان تدرس عندها بالرغم ان البنت
حاولت انها تغير في الدكتوره ولكن مع الأسف وقعت عندها...
_الحين وش رايكم في تصرف الأستاذه كان(تربوي) مثل ما قالت؟؟؟
وهل كان تصرفها هذا طبيعي؟؟؟؟!!!!

يالله انتظر آرائكم...